CPR PLURILINGÜE LA MILAGROSA-JOSEFA SOBRIDO

O alumando de 1º da ESO desprazouse a Ribeira para participar no acto organizado polo CIM para concienciar sobre a importancia de rematar con esta lacra que afecta fundamentalmente as mulleres.

Mentres tanto as tres etapas do centro facían un acto simbòlico no patio do colexio onde os alumnos de 4º de ESO leron un manifesto onde
destacaba a importancia de acabar con certas actitudes que non fan máis que enturbiar a sociedade.
O alumnado de EI e EP encargáronse de elaborar prospostas positivas mentres o alumnado da ESO o facía con actitudes que debemos desbotar.

Elisa, a nosa auxiliar de conversa, achega aos alumnos tradicións e festas do seu país de orixe.
Os alumnos de 1º de primaria crearon un pavo onde a súa plumaxe recollía un montòn de cousas polas que están agradecidos .
Foi unha xornada chea de sorrisos e cores  que seguro lembrarán.

O 20 de novembro o alumnado de 2º e 3º ciclo de primaria participou no programa «XOGADE», unha xornada chea de enerxía, compañeirismo e espírito deportivo, na que os nosos corredores dérono todo. O noso cole demostrou que ten corazón, forza e moito espírito deportivo. Volvemos con algunha medalla…
Parabéns a todos!

A semana pasada tivemos unha visita moi especial, Sandra, unha mamá que é dentista. Foi unha xornada moi divertida aprendendo como se coidan os dentes, descubrindo instrumentos que usan e resolvendo as nosas curiosidades.
Gracias Sandra, por compartir a tua profesión e contaxiarnos o teu entusiasmo.

Unha tarde de festa onde o xogo e o tradicional asado de castañas combinaron á perfección . Os maiores foron os encargados de facer as ledicias dos máis pequenos na organización dos xogos e no acompañamento durante a merenda. Un bo traballo en equipo.

Como é habitual o alumnado do 2º e 3º ciclo de primaria, co obxectivo de impulsar a escoita na lingua inglesa,asistiu á obra “ Treasure island” no auditorio de Ribeira. Os alumnos interactuaron e desfrutaron en todo momento durante a interpretación.

O alumnado de Infantil participou nunha actividade moi especial: debullar o millo que nos trouxo un dos compañeiros da clase, que vive moi preto do noso colexio. Durante a xornada, gozaron moito coa experiencia, aprenderon sobre este cereal, melloraron a súa motricidade fina e mesmo degustaron produtos elaborados con el.
Despois, o millo regresou á casa de Ángel para, entre outras cousas, alimentar as galiñas.

Estes días as clases enchéronse de contos, lendas e moita creatividade relacionando diferentes materias. Os máis pequenos desfrutaron do mundo da maxia e  elementos tenebrosos, mentres os maiores investigaron sobre a orixe desta festa milenaria e  deron  renda solta a súa imaxinación  traballando a narración facendo fincapé na estructura e  elementos da mesma co título “ A Noite Máxica do Samaín”.

O alumnado de 1º da ESO participa na xornada de sensibilización  “O Muro da Igualdade”organizada polo CIM con vistas ao 25N.

O obxectivo é  introducir ideas clave arredor da igualdade e a prevención de conductas machistas.