CPR PLURILINGÜE LA MILAGROSA-JOSEFA SOBRIDO

Os alumnos máis pequenos desfrutan da clase de inglés compartindo emocións,ideas e decisións  fomentando un traballo en cooperativo.

Este mércores o alumnado de terceiro e cuarto curso participou nunha fantástica xornada de multideporte xunto co colexio CEIP O Grupo no polideportivo A Fieiteira.
Ao longo da mañá desfrutaron de diferentes actividades como fútbol, baloncesto, floorball e brilé.

Foi unha experiencia moi divertida e enriquecedora, na que non faltaron a colaboración, o esforzo, o compañerismo e as risas.

Parabéns a todos e todas pola súa participación e actitude.

Os alumnos de sexto organizan a biblioteca na hora do recreo, un lugar onde aprender, compartir e desfrutar cos compañeiros.

O venres 26  celebramos na capela  do colexio a festividade do noso fundador San Vicente de Paúl que coa súa vida ensinounos a mirar máis alá de nós mesmos e adicar máis tempo e cariño aos que o necesitan. 

Un novo curso cheo de oportunidades para aprender, compartir e crecer.

Unha gran chocolatada con churros , na  horta do colexio, puxo o fin de festa a este día tan importante para todos os vicencianos.

Este curso no colexio estamos a traballar o valor do coidado, e para acompañarnos nesta viaxe decidimos ter unha mascota moi especial: unha tartaruga.

Ao longo da semana o alumnado participou con moita ilusión nunha votación para escoller o nome que levaría a nosa nova amiga. Foron moitas as propostas creativas e, despois de sumar todos os votos, xa temos resultado:

👉 A nosa tartaruga chámase Sami.

A partir de agora, Sami acompañaranos en diferentes actividades e lembrararanos cada día a importancia de coidar de nós mesmos, dos demais e tamén do noso entorno.

Durante a primeira semana de clase o alumnado de 1º de EP estivo relatando as vivencias do verán que máis tarde plasmaron en imaxes coas súas cámaras fotográficas. Unha forma divertida de compartir o vivido.

Despois da chegada da nosa mascota  ao colexio cedida polo amigo Luis ,quen mellor que o veterinario para ensinarnos os coidados que precisa a nosa tartaruga.

Alejandro  Llovo visitou esta semana o noso centro, conversando co alumnado e  respondendo as súas preguntas. Mostrounos curiosidades que descoñeciamos e concienciounos para ser bos coidadores.

No noso centro está en funcionamento a iniciativa da “maleta mariñeira viaxeira” do CEIDA, unha colección de libros e álbumes ilustrados sobre o medio mariño.
O seu obxectivo é achegar ao alumnado a cultura mariña, dar a coñecer os océanos e reflexionar sobre os problemas ambientais que os afectan, como o cambio climático ou o lixo mariño.
A maleta estará dispoñíbel no centro durante un mes, nos cursos de 1° a 4°.

Cada ano están presentes na nosa formación, valores que nos fan ser persoas integras e preparadas para a sociedade do futuro.

Este ano traballaremos O COIDADO empezando por cada un de nós para que repercuta nos que temos máis preto.