APRENDEMOS VIAXANDO!

Os alumn@s do terceiro ciclo de primaria viaxan a Vilasantar para ver de cerca como funciona unha cooperativa participando activamente nas actividades programadas.
Tempo de lecer no Parque do Pasatempo e visita á cidade máis antiga de Galicia descubrindo os tesouros da Idade Media .

O golfiño Manoliño

O pasado mércores día 20 de marzo, os alumnos de 3º e 4º de Educación Primaria asistimos a un espectáculo no Auditorio Municipal de Ribeira que levaba o título de: «Confi, o golfiño Manoliño».

Aprendemos que o mar está a verse amenazado por diversas actividades humanas, e que a súa protección require unha actuación rápida para a conservación da vida mariña e os animais acuáticos da zona e para preservar o delicado ecosistema do noso planeta. Pasámolo xenial! 

ABRE OS TEUS OLLOS!

Como cada 8 de marzo a cor violeta faise visible nas diferentes propostas educativas que buscan conmemorar a loita das mulleres por acadar a igualdade, o recoñecemento e os seus dereitos. 

Baixo o lema “Abre os teus ollos” leváronse a cabo diversas actividades como bandas deseñadas, carteis, asembleas, collages… co obxectivo de reflexionar e concienciar sobre a importancia de acadar unha sociedade equitativa, onde mulleres e homes poidan vivir plenamente en igualdade de condicións.

EXPLORANDO A MÚSICA

Ao longo deste trimestre, os alumnos de 2° de eso foron incorporando á clase de música o coñecemento e práctica de instrumentos musicais. Para iso, varios compañeiros asumiron o papel de profes e explicáronnos un pouquiño sobre as características e historia do seu instrumento. Como broche de cada sesión, tocáronnos unha peza e permitíronnos experimentar arrancándolle algunha nota aos instrumentos cordófonos.