Hai poucos días comezamos o mes de maio e os nenos/as de 1º de Primaria estivemos moi ocupados preparando o regalo da NAI, que se celebrou o pasado domingo 6. Esta é unha mostra dos agasallos que fixemos, incluída a bolsa de agasallo.
Mes: mayo 2018
Casa Grande de Xanceda
Como broche de ouro para rematar o mes de abril, os nenos/as do Primeiro Ciclo da Primaria tivemos unha saída cultural á Casa Grande de Xanceda. Alí fixemos unha ecovisita guiados por María e Isabel, que nos ensinaron os encantos e recunchos da enorme finca que alberga a Casa de Xanceda. Tamén visitamos as cortes, sala de muxir , a horta e o eco- zoo. O mellor de todo é que aprendemos a muxir a vaca Rosalía, que tivo moita paciencia con nós.
Clase de feitizos
Durante esta semana, levamos a cabo unha pequena pesquisa sobre os principais feitizos que abundan na nosa saga. Imperius, Avada Kedavra, Crucio… foron algúns dos feitizos máis repetidos. Botádelle un ollo ás nosas fiestras, a ver cantos identificades!
Flor da Dorna
Este ano na Feira da Educación, Cociña Creativa quixo tamén achegar aos máis pequenos a Festa da Dorna, polo cal elaboraron cos nenos e nenas que participaron, unha flor da Dorna moi doce. Grazas aos nenos e nenas por participar e facernos desfrutar durante a elaboración desta receita.
Pascua
O mes de abril foi un mes moi atarefado para os nenos/as do Primeiro Ciclo da Primaria, xa que comezaron o mes coa celebración da Pascua, e non o fixeron só na materia de Relixión Católica, senón que tamén a traballaron noutras materias transversais. Aquí temos unha pequena mostra do traballo realizado:
AVISO NON LECTIVOS
Recoramos que os vindeiros días 17 e 18 de maio de 2018 , non serán lectivos. O 18 de maio foi o día solicitado polo Centro no comezo do curso, e autorizado pola Consellería, tal como recolle o calendario escolar do curso 2017-18.
LISTAXE DEFINITIVA ADMISIÓN 2018-19
Xa se pode consultar a listaxe definitiva de admitidos para o curso 2018-19 no apartado ADMISIÓN ALUMNOS
Traballando o cómic na aula
Dende a clase de Lingua traballamos o cómic ,abordando o tema do “ acoso escolar”.
Quixemos compartir cos máis pequenos os nosos traballos e pór o noso gran de area para concienciar e sensibilizar da importancia do respecto para unha mellor convivencia no centro escolar.
23 de Abril
O pracer de poder ler un libro relaxadamente e dun xeito distendido xa pode facerse no CPR A Milagrosa, onde, co motivo de celebrar o Día Internacional do Libro, habilitáronse zonas de lectura e unha exposición de cómics, para fomentar este hábito tan enriquecedor, na entrada de primaria á vista de todos os membros do Centro Educativo.
As plantas ( 2º E.P)
Descubrimos entre todos o mundo das plantas.
Aprendemos as súas partes, os elementos necesarios para que poidan crecer e descubrimos como se esforzan para alcanzar a luz.
