Mes: abril 2022

O pasado sábado celebrouse o Día do Libro.

O alumnado de Educación Infantil adentouse no mundo dos contos desfrutando do apadriñamento lector dos alumnos de 1º e 2º de Educación Primaria, mentres que o alumnado da ESO preparou unha exposición para celebrar esta data e como mostra expuxeron os traballos feitos durante o Plan Lector.

1º de ESO presentou “ A caixa das estrelas” baseada na novela de Ricardo Gómez, O cazador de estrelas e os murais do Chamádeme Simbad de Francisco Castro.

Os lapbooks e muráis de 2º e 3º da ESO baseáronse nas lecturas Cartas de Inverno de Agustín Fernández Paz e Un loto na neve, de Gonzalo Moure.

Amosaron aos compañeiros tamén os traballos do PROXECTO ANTROIDO realizado por 1º e 2º da ESO.

A lectura achéganos a un mundo de coñecementos, enriquécenos como persoas e forma parte xa das nosas vidas.

Ao longo destas semanas, os alumnos de 6º levamos a cabo unha viaxe moi interesante pola xeografía europea.

Antes de tomar rumbo, preparamos a nosa maleta e a documentación necesaria para voar libremente. Fixemos o noso carné de identidade e pasaporte, e solicitamos un billete de avión co destino selecionado por cada alumno.

Coa seleción de cada país feita, cada alumno pescudou información sobre o clima, a capital, os principais monumentos, pratos típicos… Máis tarde, organizaron os datos e presentáronos nunha exposición oral aos seus compañeiros. Estes, tomaron datos de toda a información que iban escoitando no seu pasaporte, e antes de viaxar ao seguinte país, pasaron por aduanas a selar o seu pasaporte.

A información aportada polos compañeiros, permitiunos coñecer a cultura doutros países veciños, disfrutar dos monumentos máis interesantes e dos pratos máis deliciosos, ao son da música tradicional de cada país.

CARTA AO MEU “EU” DO FUTURO

O alumnado de 1º de ESO estivo a traballar nun proxecto chamado “Ola, futuro!”.

Escribimos cartas nas que nos facemos preguntas, amosamos os nosos desexos e as nosas inquedanzas. Pensamos nos nosos amigos, familia, profes… nelas reflexionamos sobre o que nos depara o tempo e para iso agardaremos a 4º de ESO para volver a abrilas, coa ilusión de que os nosos soños alomenos se cumpriran en parte. Temos a esperanza de ter aprendido moito, na escola e na vida. E ti, que lle dirías ao teu “EU” do futuro?

Os alumnos de 2º de primaria realizaron un pequeno proxecto onde recolleron os apectos que identifican a nosa comunidade : a lingua, a tradición, a gastronomía, os monumentos, escritores…

Dende hai uns días, os alumnos de 5º de Primaria vimos embarcados nunha nova aventura: Proxecto  A NASA.

Á nosa chegada á aula, un cartel dábanos aviso de que esta se transformara nunha zona de paso restrinxido á que só os Inxenieiros Aeroespaciais máis cualificados teñen acceso. 

Tras este primeiro recibimento, cada alumno recibiu unha credencial que lle permitirá acceder a estas prestixiosas instalacións e iniciar así, o seu período de formación na mesma.

Durante o tempo de prácticas, os alumnos foron amosando os seus coñecementos previos sobre o espazo e plantexando as dúbidas e incógnitas que lle rondaban pola cabeza.

Na primeira tarefa, puxéronse mans á obra e pescudaron datos sobre as estrelas e as constelacións. Cada un elixiu e diseñou a constelación que máis lle gustou.

Os resultados e a implicación no traballo foron ESTELARES!!

O alumnado de 5° e 6° de educación Infantil e 1° e 2° de educación Primaria asistiu ao Auditorio Municipal de Ribeira coa finalidade de traballar a inclusión nas aulas e sensibilizalos sobre a discapacidade intelectual. Visionamos a película Valentina, galardoada nesta última edición cun premio Goya.
Valentina está cansa de ser unha nena con síndrome de Down convencida de que é o motivo polo cal nunca poderá alcanzar o seu soño: ser trapecista. Pero nunha viaxe máxica co seu amigo Chiqui vai permitir descubrir que é moi especial e que, como ben di a súa avoa, nunca debe de perder a ilusión e as ganas de aprender.

Que ben o pasamos! Tiñamos moitas ganiñas de ir de excursión, esperemos que esta sexa a primeira de moitas máis!