Os alumnos do terceiro ciclo de primaria despediron o curso cunha viaxe ás illas Cíes. A choiva non impediu que disfrutaran dunha andaina moi amena e didáctica a cargo dunha guía que nos acompañou durante todo o traxecto.
A viaxe en catamarán resultou toda unha aventura .
Os rapaces de sexto puideron disfrutar de cinco experimentos coas súas explicacións de porque ocorren, da man de Alexandra Mariño, unha exalumna.
O tubo de Lenz
Impresións dixitais
Globos que non estoupan
Xaula de Faraday
Reseña: Din que todo esforzo merece a súa recompensa… por iso o alumnado do 3º ciclo de Educación Primaria foron invitados ao acto de clausura do 23º concurso de Ecovoz trala súa participación en dito concurso.
Recibiron un agasallo de mans da Conselleira de medio ambiente Ángeles Vázquez e desfrutaron dun marabilloso día de convivencia no Aquapark de Cerceda.
Despois de todo este tempo de pandemia, os nenos e as nenas de 1º e 2º da Educación Primaria estabamos desexando ir de excursión! E que tal se nos imos de visita á cidade da Coruña? E se a iso lle engadimos comer ao pé da Torre de Hércules un súper mega Happy Meal?
Dito e feito! Este venres, día 10 de xuño, visitamos dous dos tres museos científicos de Coruña “A Domus e o Aquarium Finisterrae”.
Na Domus lemos, observamos, manipulamos, escoitamos, xogamos e desfrutamos coas diferentes actividades interactivas sobre o ser humano.
Rematamos a visita da mellor maneira posible, mergullándonos nunha sala espectacular, a cal nos ofreceu vivir unha experiencia única, a sala Nautilus. Sumerxida nunha gran piscina, a súa decoración recorda á do gabinete do capitán Nemo a bordo do submarino Nautilus. Ao redor da sala nadan os peixes de maior tamaño do acuario, como os tiburóns, corvinas, xurelos, douradas, lubinas e meros.
Canto aprendemos neste día! Por iso é que as saídas culturais son as actividades favoritas de todos, onde cambiamos a rutina das clases, por actividades distintas e novedosas.
O xoves os nenos e nenas de 4º de Educación Infantil preparamos as nosas mochilas dun xeito especial; nelas metemos: ilusións, nervios, emocións… pois agardábanos unha xornada cargada de aventuras! xa que realizamos a nosa primeira saída á contorna. Ao longo da mañá puidemos desfrutar da compañía do grupo de iguais e das mestras, gozamos da animación de “Troskita”, merendamos ao aire libre, realizamos unha viaxe en tren, rimos, xogamos e cantamos.
Unha vivencia que, de seguro, gardaremos con mimo no noso peto de experiencias.
Os alumnos de 4º de infantil disfrutaron do bo tempo nas últimas clases de inglés onde xogamos,cantamos … colaborando con nòs a auxiliar de conversa.
Rematou un curso cheo de creatividade e entusiasmo por parte da mestra que compartiu cos seus alumnos ,traballando en diferentes espazos e materiais ; e sobre todo potenciando a creatividade de todos eles.
O alumnado de 5º de primaria a 4º da ESO participaron en dúas sesións nunha charla a cargo da policía nacional de Ribeira para previr sobre os perigos e riscos cos que se poden atopar viaxando polas redes e as súas consecuencias legais.
Os alumnos/as de 6ºde EI realizaron un proxecto interdisciplinar para aprender as fases da Lúa .
Traballaron de forma lúdica e entusiasmados cos materiais.
¡Silencio na sala, que comeza a función…!
Esta semana, os alumnos de 3º da E.S.O., convertidos nunha pequena orquestra; deron o seu primeiro concerto para un público moi especial, o alumnado de Educación Infantil.
Os máis maiores, estaban cheos de nervios por mor da estrea, e os segundos; emocionados polo espectáculo que ían vivir. A actuación resultou tan sorprendente para os máis pequenos, que non deixaban de pedir “Outra, outra…”
Pero a sorpresa non rematou aí… A ledicia dos de Infantil foi a máis cando se lles desvelou, que ao remate da mesma, os compañeiros máis veteranos íbanlles a ensinar a tocar. Os rostros dos rapaces de 3, 4 e 5 anos demostraban a sorpresa e a felicidade polo momento que estaban vivindo. Pero sobre todo, a conexión entre maiores e pequenos, foi máxica.
