Mes: marzo 2023

Os alumnos de 2º de ESO puxeron en práctica todos os contidos traballados ata o momento na aula de Música a través dunha sinxela composición.  

En grupos de cooperativo, e mediante a estrutura do Folio xiratorio; fomos compoñendo unha sinxela melodía de 8 compases en escala de Do Maior. Para comprobar a evolución da mesma, botamos man dos carillóns e disfrutamos do son da nosa melodía. Despois de todos os medos iniciais, os resultados non estiveron tan mal… Quen sabe, habrá algún Mozart entre nós? 

Ao longo destas últimas semanas, os alumnos de 5º estivemos traballando o tema da reprodución. Entendendo as diferencias que existen entre homes e mulleres e o papel fundamental que xogan na creación dunha nova vida. 

Convertidos en protagonistas da nosa propia aprendizaxe, levamos a cabo unha serie de entrevistas a unhas persoas moi importantes para nós: as nosas nais.  

A posta en común foi tan interesante, que decidimos invitalas á aula, para así, poder coñecer de primeira man a súa experiencia durante o embarazo, o parto e os primeiros días como mamás. As anécdotas, risas e emocións; non faltaron, e nós sentímonos moi orgullosos de telas entre nós facéndonos partícipes dos seus recordos. 

Como broche final, invitamos a Loli Martínez Romero, matrona de profesión; que nos ensinou de primeira man a labor que leva a cabo coas mulleres que chegan á súa consulta. Tamén nos explicou a importancia do vínculo emocional entre nai e fillo e axudounos a resolver todas as dúbidas que foron xurdindo ao longo da xornada. 

Ao longo deste curso, os alumnos de Música Activa, participamos dunha gran variedade de actividades musicais que nos permitiron coñecer dunha forma lúdica e dinámica os principais elementos da linguaxe musical. 

Convertémonos en luthiers, a través da construción do noso pau de chuvia. Fomos pequenos intérpretes sentados ao fronte do carillón e do piano. Descubrimos o funcionamento do piano e dos instrumentos de pequena percusión. Bailamos algunha coreografía e xogamos con ritmos de percusión corporal. Asistimos a un concerto de piano en directo. E por suposto, levamos a cabo algunha sesión de relaxación que nos permitiu traballar a respiración e escoitar con maior atención as pezas de música clásica coas que traballábamos. 

Estas distintas experiencias permítennos interiorizar a música como un elemento innato do noso ser e deste xeito, comprendela e empregala como un recurso máis do noso día a día. 

Hoxe os alumnos de 6º de primaria enfrentáronse ao colexio de Ourense Xunqueira de Ambía na segunda ronda de preguntas onde acadaron o pase para as semifinais. Parabéns!!

A relaxación é un aspecto fundamental dentro das rutinas da Educación Infantil para axudar aos cativos a adquirir un estado de calma despois dun momento de actividade e que, ademais, provoca nos nenos e nenas múltiples beneficios. Entre eles podemos destacar a redución de estrés, a liberación da ansiedade, a creatividade, o incremento da concentración, a mellora na aprendizaxe ou o aumento do autocontrol. Para favorecer a relaxación, contamos cunha ampla gama de técnicas como pode ser a configuración de mandalas corporais acompañadas dun ritmo de respiración suave e unha música ambiental que invite a descansar.

Os nenos e nenas desfrutan da realización destas actividades ao tempo que se empapan dos diferentes beneficios que lles aportan.

Os alumnos de 1º de primaria visitan a horta do colexio para observar os diferentes tipos de plantas: àrbores, arbustos,herbas… a diferencia de troncos, a súa textura para máis tarde plasmalo no seu traballo de clase.

Éxito absoluto!! Non podemos calificar doutra forma a actuación dos nosos alumnos no campionato provincial disputado no Clube de Campo de Ferrol o pasado venres 17 de marzo. A xornada comezou dun xeito inmellorable coa victoria por equipos na categoría benxamín masculino grazas aos seguintes corredores: Juan Pardavila González, Breixo López Millares, Ángel Martínez Lijó, Nicolás Millán Sampedro, Telmo Martínez Vila e Xabi Fernández Otero. Ademais o noso alumno Juan Pardavila González subeu tamén ao podio como subcampeón provincial na categoría individual, xa que chegou nunha fantástica segunda posición. 

Para rematar, a alumna de sexto de educación primaria na categoría de infantil feminino, acadou un máis que meritorio sétimo posto, xa que tivo que competir contra compañeiras un ano maior ca ela. NORABOA! 

Pastoral de La Milagrosa de Oleiros (pastoralmilagrosaoleiros.blogspot.com

O pasado xoves, coma todos los anos e coincidindo co tempo de Coresma, celebramos no colexio o día do «Bocadillo Solidario». Unha actividade que ten coma obxectivo colaborar coa campaña de Mans Unidas. Ao longo da semana traballamos sobre a importancia da nosa colaboración e axuda cos que  menos teñen. 

Foi unha xornada de convivencia na que alumnos e profesores fixemos un «picnic» nun entorno incomparable, o Dolmen de Axeitos.

Gracias a todos pola vosa colaboración!!