Mes: mayo 2023

Por fin saímos de excursión! erguémonos o venres coa ilusión de desfrutar dunha xornada diferente, preparamos a equipaxe necesaria e emprendemos unha viaxe cara o Grove. Alí, visitamos o acuario para realizar un paseo polas profundidades das rías galegas,  os mares tropicais e o océano atlántico e coñecer diferentes especies mariñas; gozamos dun xantar ao aire libre rodeados dunha fermosa contorna natural e recorremos a Illa da Toxa en tren turístico.

Toda unha experiencia onde non menos importante foi a viaxe en autobús! os rostros dos nenos e nenas de infantil transmitían a ledicia dun día cheo de emocións. 

Os alumn@s de 1º de primaria equipáronse de gorro e prismático para recoñecer os animais  e os seus costumes.

Cada 17 de maio celébrase o día das Letras Galegas. Este ano homenaxeouse ao escritor Francisco Fernández del Riego.

Ao longo das diferentes etapas, estivemos a traballar a súa figura xunto coa súa obra. Nos corredores de Primaria e Secundaria investigamos nos carteis e logo elaboramos a nosa información que rematou nuns traballos moi completos sobre a data e Francisco Fernández del Riego.

Celebramos a nosa lingua e a nosa cultura con moitas ganas e ilusión.

Os alumnos de sexto realizaron un podcast sobre o autor homenaxeado.

Aberta a convocatoria de axudas, fondo e material escolar para o vindeiro curso 2023-24. Poden consultar a información na lapela AXUDAS LIBROS.

O pasado venres 19, o alumnado da ESO realizou un roteiro pola zona da serra do Barbanza coñecida coma Os Chans. O percorrido tivo lugar a maior parte polo antigo camiño tradicional no que se encontran mostras do patrimonio megalítico desta zona: as mámoas.

Estudantes e docentes gozaron dunha xornada de bo tempo, e de actividades relacionadas coa identificación das mámoas e tamén da flora e fauna desta zona.

A punto de rematar a actividade de xadrez os nosos alumnos participaron en varios campionatos onde disfrutaron e  obtiveron moi bos resultados. No campionato da Baña quedaron subcapións comarcais: Soren, Marcos,  Paulo e Hugo.

Na categoría de Alevíns acadaron a cuarta posición Simón e Fran

Como campión intercomarcal a actuación de José Antonio que participou na categoría de Benxamíns como membro da escola de Xadrez  infantil.

Parabéns aos nosos campións.

@s alumn@s de 2º de primaria realizaron o proxecto da cidade dentro da materia de Social para coñecer os diferentes espazos e funciòns que se realizan en cada un deles.

@s alumn@s de 1º da ESO encheron de cor e vistosidade a nosa cidade coas árbores realizadas na materia de Plástica.

O 2 de maio, os grupos de 5º e 6º de primaria tiveron un día diferente. O alumnado foi de excursión a Allariz. 

Pola mañá visitaron o Allariz do pasado da man dos nosos guías Herminia e José Luis. Durante o percorrido pola vila fomos coñecendo diferentes aspectos relacionados coa arquitectura do lugar de xeito teatralizado.  

Logo desprazámonos ata o Centro Medioambiental do Rexo onde xantamos ao aire libre. Máis tarde visitamos a granxa e os monitores explicáronnos moitas cousas arredor do seu funcionamento. Alí visitamos a obra do artista Agustín Ibarrola e tamén compartimos ideas sobre como facer un mundo máis sostible e de calidade para todos. 

Durante a visita desfrutamos dos animais que se atopaban alí e do entorno do río Arnoia. 

Como cada ano, o 9 de maio conmemoramos a festa da nosa fundadora Santa Luisa de Marillac. Unha celebración na que nos reunimos todo o colexio para dar gracias a Luisa de Marillac que entregou a súa vida polos demáis e que soñaba ao grande. Sentímonos agradecidos por poder formar parte deste soño, que Santa Luisa de Marillac xunto con San Vicente de Paúl dirixan o rumbo das nosas travesías!

O departamento de Convivencia puxo en marcha un proxecto para concienciar ao alumnado da importancia que teñen as actuacións individuais para a mellora dun colectivo. 

Os alumn@s serán os encargados de observar e expresar por escrito cubrindo as fichas que colgan da árbore,  as boas e malas accións que se vaian desenvolvendo no centro escolar depositándoas nunhas urnas de diferentes cores (azul e vermella) que están  situadas no corredor.

Cada semana se fará un rexistro da información aportada polo alumnado co obxectivo de solucionar e mellorar os conflictos xurdidos.