Autor: Editor

No eido da Feira de Educación que se está a celebrar en Ribeira, puidemos ver a película de animación «O soño dunha noite de San Xoán». Logo disfrutamos do saber facer de Manuel Gómez, que conta con dous GOYA así coma con varios galardóns do AGAPI.
É produtor audiovisual, ensinounos como escribir un guión e como organizar unha storyboard para facer un proxecto audiovisual.
Falounos dos tipos de enfoque de cámara para representar os diferentes sentimentos das personaxes, o importante que é o traballo en grupo e falar con xente que ten os memos intereses ca ti.
Tivemos unha mañá moi produtiva.

Eu non vexo trastornos, dificultades nin talentos a desenvolver.

Vexo persoas. Vexo sementes.

Non sei de que especie son, nin o que agochan. Cada neno, cada nena trae dentro de si un potencial, e eu, que podo facer?

Observar e escoitar o que a semente me quere dicir. Darlle un espazo onde ela decida canta luz precisa, canta auga, canta terra, canto e como.

Ter a humildade de saber que non todas as sementes son iguais, e de non pretender que todos sexamos carballos… ou eucaliptos: Medra rápido, produce rápido, arde rápido.

Darlle a cada semente, a cada nena, cada cativo, no que todavía palpita o instinto de saber quen é, a oportunidade de decidir o que precisa para medrar, para facer brillar ante os nosos ollos o verxel que agocha no seu interior.

Hoxe visitounos no colexio Ramón Martínez para contarnos as súas experiencias co pobo saharauí.

Desde o ano 2000, no que  colaborou no programa de acollida Vacacións en Paz, viaxa con frecuencia aos campos de refuxiados en Arxelia. Ademais de visitar aos que xa considera membros da súa familia, participa en iniciativas solidarias, como recollida de alimentos, medicinas ou material escolar e deportivo. Acaba de regresar hai uns días de correr o Sahara Marathon e aos alumnos de 5º e 6º de EP e 1º e 2º da ESO pareceunos moi interesante que nolo viñera contar.

Moitas grazas pola visita e parabéns pola túa solidariedade!

Rematamos o 2º trimestre, e os Departamentos de Educación Física e Historia, organizaron unha saída pola contorna para o alumnado da ESO.

O venres 29 de marzo, saímos do cole pola mañá seguindo a ruta do río Artes, acompañados por un grupo de mestres, para desfrutar dun roteiro pola natureza. A seguir, subimos ao monte da Cidá, paramos no miradoiro da Pedra da Rá, dende onde vimos o outro lado da ría, e as illas de Sálvora, Ons e Cíes.

Subimos ata o Castro da Cidá, onde se atopan os restos arqueolóxicos dun poboado castrexo, escavados recentemente.

Preto do Vilar escollemos un lugar tranquilo para o xantar e regresamos pola tarde polo Parque Natural das Lagoas de Carregal e Vixán.

Que ben se pasa aprendendo da natureza, compartindo cos compañeiros e coñecendo as paraxes máis belas da nosa comarca!

Temos que repetir!

O pasado día 27 de marzo o noso alumnado tivo a segunda xornada de deporte escolar no polideportivo municipal de Palmeira, onde desfrutaron de diferentes deportes xuntos cos compañeiros e compañeiras do colexio O Grupo. Un día máis, todos o pasaron en grande compartindo unha xornada de actividade física, que serviu tamén para coñecer a nenos e nenas doutro colexio, así como promover os valores do deporte como respecto, igualdade e compañeirismo.

Si algo se te rompe,

tú lo puedes llamar.

Mi papá lee cuentos

y sabe cocinar.

¿Seré futbolista?

¿Seré capitán?

Lo que yo quiero ser

es como mi papá.

¡FELIZ DÍA PAPÁ!

«A poesía non morde. E, aínda que haxa quen pense o contrario, non é aburrida, cursi, nin difícil. 

Para que serve a poesía? Para cantar, para berrar, para recitar, para rapear, para susurrar, para vivir intensamente, para musicar, para rebelarse contra o mundo, para falarlle a alguén ao oído suavemente.

A poesía permíteche recoñecer cousas que non hai outro xeito de expresalas. Ofréceche esa forza rebelde da súa lectura. Así que xa sabes: poetízate»

Fran Alonso.

3º e 4º  de ESO celebramos o Día da Poesía coa lectura da obra de diferentes autores e seleccionando os poemas que máis nos gustaron. Lemos en voz alta, compartimos cos compañeiros, escribimos e debuxamos e finalmente deixamos no corredor algunhas das mostras máis significativas do noso traballo.

Agardamos que vos preste!

Only an American family would buy an old English mansion with its very own ghost included, and what’s more, a ghost who cannot bear being made a fool of. The most ingenious of Oscar Wilde’s satires, adapted to your students’ level – the perfect comedy for bringing a paranormal touch to your English classes.

Os rapaces e rapazas de 3º e 4º da ESO disfrutamos dunha adaptación da obra de Oscar Wilde, en lingua inglesa.

Vela foi moi productivo porque comprobamos o noso nivel de inglés e pasamos un tempo ameno.

Logo pasámonos pola exposición de Leonardo Da Vinci, saboreámola no marco incomparable do mosteiro de San Martín Pinario.

A educación amóldase á sociedade e aos seus cambios. Vivimos nunha época na que as novas tecnoloxías están presentes en numerosos ámbitos da vida. As TIC tamén están presentes na educación, ben sendo utilizadas como medio para aprender as materias tradicionais, ben coma o obxectivo e fin para aprender delas.

É importante que exista esta formación do profesorado en robótica e novas tecnoloxías, xa que son os docentes quen teñen que transmitir aos alumnos estas competencias dixitais, tan importantes no presente e no futuro. Por iso, a pasada fin de semana na capital galega, as mestras de varias etapas educativas do centro asistiron a un curso de robótica como ferramenta para transmitir contidos.