Autor: Editor

O pasado día 25 de xaneiro tivo lugar a fase intercomarcal da carreira de campo a través, en Porto do Son. Alí o noso cole tivo unha formidable representación da man de Marta Muñiz, alumna de 3º de primaria e María Muñiz e Telmo Reino de 5º de primaria. Os tres lograron unha moi boa marca, chegando incluso Marta a clasificarse para o campionato provincial en Noia. Darlle a noraboa tanto ós nosos alumnos coma ó resto de participantes por desfrutar dunha xornada de deporte ó aire libre e cun moi bo ambiente.

Os alumnos de 5º e 6º de EP visitaron Santiago para disfrutar dun día cheo de actividades.
Asistiron á obra de teatro en inglés para mellorar a súa escoita e comprensión nesta lingua.

Visitaron a catedral e o casco histórico da cidade.

Traballaron en cooperativo para adentrarnos no Museo do Pobo Galego e coñecer as nosas raíces e a figura de Antón Fraguas, a quen este ano estará adicado o Día das Letras Galegas.

O pasado día 16 de xaneiro o noso alumnado tivo a primeira xornada de deporte escolar no polideportivo municipal de A Fieiteira, onde desfrutaron de diferentes deportes xuntos cos compañeiros e compañeiras do colexio Bayón. Un día máis, todos o pasaron en grande compartindo unha xornada de actividade física, que serviu tamén para coñecer a nenos e nenas do colexio Bayón, así como promover os valores do deporte como respecto, igualdade e compañeirismo.

Hoxe vivimos una tarde diferente nas nosas aulas. Carmen, Virginia e Juan viñeron visitarnos e contáronnos as súas vivenzas como estudantes, xogos da súa infancia, anédoctas de xuventude…e sobre todo que ,sen  esforzo non se consegue nada.
Puidemos compartir con eles as nosas inquedanzas ,contestaron as nosas preguntas e incluso puidemos escoitar unha canción moi fermosa e emotiva que interpretou un deles.
Agardamos  que pronto se  volva repetir!

Un ano máis tod@s aunamos forzas para apoiar á ONG coa que levamos máis de doce anos colaborando e aportando o noso gran de area. 

Ó longo destes días, estivo presente Siria e a súa problemática. O mundo dos refuxiados e os atrancos para atopar unha vida mellor, para conseguir un futuro que lles permita formarse como persoas. 

Dende a E.I ata a ESO leváronse a cabo diferentes actividades  dentro e fóra das aulas para unha maior sensibilización. 

O  martes 4 de decembro culminaron todas elas coa participación de E.I. nunha carreira de bicicletas, E.P. desenvolveuse por diferentes circuítos e a ESO  cunha andaina ata o monte Tahúme. 

Achegámonos ás datas de maior ilusión para os nen@s e aproveitamos para representar un dos contos das xornadas de sensibilización con respecto ó valor da Esperanza :  » Desencanto y Esperanza» .

Os nen@s de 6ª  de Primaria brindáronse  a facer un contacontos con monicreques dos personaxes desta obra, resultando unha actividade moi enriquecedora. Os nen@s de Infantil participaron entusiasmados coas súas marionetas feitas na clase.

Con este mes de decembro damos comezo á campaña de recollida de alimentos non perecedoiros e xoguetes para as familias necesitadas.

Dende o luns 10 ata o venres 21 podedes facer feliz a unha familia neste tempo de Nadal. Pregamos que os alimentos que se donen non sexan perecedeiros en datas próximas. Sabedes que estes alimentos recollidos serán entregados a familias da nosa parroquia que teñen necesidade de que os axudemos.

Grazas, de antemán, pola vosa colaboración.

Como ven sendo tradición, no Colexio celebrouse a semana pasada a festa da Virxe Milagrosa. Como centro das Fillas da Caridade de San Vicente de Paúl quixemos facer as correspondentes celebracións por etapas nas que rezamos e pedimos á  Virxe por todas as necesidades que temos e vemos ao noso redor. Tamén ofrecemos as nosas mostras de amor a María e  recibimos a  Medalla Milagrosa.

Os actos comezaron o 27 de Novembro, coa festividade da Virxe Milagrosa. Os alumnos de Infantil e o primeiro ciclo de Primaria realizaron unha celebración, na que aos máis pequenos e aos alumnos novos se lles impuxo a Medalla Milagrosa.

Ao día seguinte os alumnos do segundo e o terceiro ciclo celebraron xuntos o día de Catarina Labouré.

O día 29, os alumnos da ESO recordaron a fundación das Fillas da Caridade e o seu labor cos necesitados alí onde se atopan.

A participación dos alumnos foi fantástica e esperamos que a Virxe nos conceda aquelo que lle pedimos con fe.

O pasado xoves 29 de novembro celebramos no colexio «Thanksgiving day» (Día de Acción de Gracias). Esta celebración está incluída no noso proxecto plurilingüe. Cada curso de Ed. Infantil e o primeiro ciclo da Ed. Primaria realizou diferentes actividades para conmemorar este día. Os alumnos de Infantil fixeron un «Thanksgiving turkey».

En Educación Primaria  traballamos un minibook para coñecer as personaxes da historia, as casas onde vivían e os alimentos típicos deste día. Asimesmo no taller de Cociña Creativa tamén fixemos unha homenaxe a este día facendo un pavo e unha cornucopia,como símbolo da festa da colleita e a abundancia.

Tanto o alumnado como o profesorado ,xunto con Alex,  vivimos e disfrutamos deste día tan especial.