Autor: Editor

Os alumnos de 5ª e 6ª de EP  visitaron as Illas Cíes  como broche final; disfrutaron da paisaxe e aprenderon lendas e curiosidades sobre as Illas.

Os pequenos do Colexio xa fixemos a nosa excursion e pasámolo xenial.

Fomos ao cámping Arosa II , máis coñecido por nós como o cámping A Cascada. Aínda que está moi preto do noso colexio, non por iso nos fixo menos ilusión esta excursión. De camiño pasamos pola casa do noso compañeiro Ángel Pérez, xa que ao longo do trimestre, traballando as unidades didácticas de animais e prantas fomos descubrindo que alí tiñamos que ir visitar os seus animais ( cabalo, porco, xabarin, coellos, pitiños,…) e a pena foi non poder ver funcionar o muíño de auga pola xiada que había no eirado.

Foi unha experiencia divertidísima e a avoa de Ángel  atendeunos con moito cariño.

Continuamos cara o cámping, onde fixemos un percorrido visitando as diversas maneiras de vivir alí : caravanas, tendas, bungalows… Visitamos tamén os animais e xogamos no parque. E tivemos a sorpresa da actuación da pallasa Troskyta que nos maquillou e nos fixo rir moito.

Como despedida, o señor Manuel levounos de percorrido no tren infantil e ao rematar, voltamos para o Colexio.

Foi unha xornada inolvidable.

Este ano a Real e Ilustre Cofradía da Dorna de Ribeira tivo a iniciativa de presentar un proxecto cargado de orixinalidade e creatividade: repartir máis dun centenar de flores dorneiras por colexios, asociacións e artistas da comarca coa finalidade de invitalos a reflectir as súas interpretacións do símbolo dorneiro. E, como non, dende o Colexio da Milagrosa tamén quixemos mostrar o talento artístico do noso alumnado presentando 6 flores.

Dentro das actividades do maio cultural os alumnos e alumnas de 5º de Primaria elaboraron os seus propios libros dun xeito creativo nos que reflicten as técnicas adquiridas nas  lecturas levadas a cabo durante o presente curso.
Deste xeito, os rapaces e rapazas puideron disfrutar do pracer de ler, converténdose eles en autores, ilustradores e editores.

Coma todos os anos, reunímonos para homenaxear a nosa lingua, a nosa cultura, nun día tan significativo como o Día das Letras Galegas. Este ano celebrámolo dunha forma especial, comezando días antes do 17 de maio a enfatizar o valor da nosa lingua e buscar información sobre a autora homenaxeada ese día. Para iso, os nenos e nenas de 5º de Primaria, baixo o lema “O idioma é a forza que nos sostén; se perdemos a fala non seremos ninguén”, recolleron unha boa mostra de refráns do noso pobo galego. Namentres, os discentes de toda Primaria dedicáronse ó labor periodístico, en busca de información sobre a vida, historia e obra de Mª Victoria Moreno. Ese proceso foi levado a cabo mediante actividades, como o uso do folio xiratorio en 1º, 2º e 3º de Primaria e a exposición entre os compañeiros das obras da autora.  Resaltáronse dous libros: A festa no faiado e Mar Adiante, obras que se plasmaron co proxecto plástico das portadas dende a materia de Educación Plástica.

O 16 de maio, un día antes do Día das Letras Galegas, celebrouse no colexio a homenaxe á autora. Primeiramente, os máis pequenos de Primaria  realizaron unha visita á gardería “Barbanziños” onde leron o conto “A festa no faiado”, colorearon un marcapáxinas de María Victoria Moreno, xogaron un anaquiño cos nenos da escola infantil e remataron a visita entregándolles un agasallo que prepararon con moito agarimo. Foi unha visita moi especial, cargada de emocións!

Xa pola tarde tivo lugar o Festival, onde a espontaneidade e orixinalidade do evento caeu en mans do alumnado de Primaria, xa que sintetizaron todo o traballado sobre a autora mediante unha dramatización escolar e unha mesa redonda onde, tanto participantes como espectadores, participaron animadamente. O broche de ouro correu a cargo do serán levado a cabo pola música das pandeiretas nas mans das nosas alumnas, xunto coa entrega de premios aos discentes de 4º, 5º e 6º de Primaria e 1º e 2º de ESO que participaron na escritura de microrrelatos na honra da autora comezando todos coas verbas dunha das súas obras: “Subiu ata o faiado da casa e alí…”

Un resumo de todas estas actividades pódese ver no seguinte vídeo:

Dende o CPR A Milagrosa pretendemos traballar as habilidades sociais e favorecer o desenvolvemento do noso alumnado no mundo real. Para iso, este ano organizouse, para os cursos de 1º e 2º da ESO, unha viaxe de tres días e dúas noites a Cantabria. Esta viaxe supuxo unha experiencia enriquecedora para os discentes, ademais das aprendizaxes culturais e sociais, onde puideron ver, sentir e tocar moitas das cousas estudadas ao longo do curso nas diferentes materias.