O venres 7 de abril os alumnos e alumnas do terceiro ciclo de Primaria disfrutaron dun día lúdico no parque Galipark de Padrón, onde realizaron múltiples actividades.
O obxectivo desta xornada foi fomentar a vida saudable , o traballo en equipo e as relacións sociais.
Como remate os nenos e nenas participaron nunha clase de reanimación RCP a cargo do mestre de Educación Física, onde tomaron conciencia da importancia de actuar con rapidez e cunhas nocións de primeiros auxilios.
Esta mañá en 3º e 4º de ESO dispuxémonos a preparar o vindeiro Día do Libro. Á volta de vacacións adicaremos este día ao desaparecido autor Agustín Fernández Paz, polo que estamos a ler algunhas das súas obras: «Cartas de inverno», «As fronteiras do medo», «Corredores de sombra» ou «A neve interminable».
Destas lecturas daremos boa conta nunha celebración nas próximas datas. De momento estamos deixando voar a imaxinación e como vedes, estamos feitos uns artistas!
O pasado luns, 3 de abril, os alumnos dos dous primeros ciclos da primaria acudiron ao Teatro «SALESIANOS» na cidade olívica.
Alí viron representada a obra PETER PAN, unha adaptación moderna, divertida e en inglés que fixo disfrutar a nenos e mestres.
Unha vez rematada a obra os nenos e mestres desfrutaron da comida no Fogar San José, que as Fillas da Caridade teñen nesta cidade. Despois da comida disfrutaron dun momento de lecer, de xogos e convivencia cos seus compañeiros.
Os alumnos e alumnas de 1º e 2º da ESO pasamos o día na Coruña para disfrutar da física e da ciencia. Pola mañán visitamos a Casa das Ciencias onde nós mesmos puidemos probar os experimentos, logo, asistimos ao Planetario no que nos explicaron a nosa Galaxia.
Ao rematar fomos á DOMUS onde comemos e puxemos a proba a nosa maña e intelixencia. Alí vimos unha pelicula en 3D chamada «Os Pequenos Xigantes».
Despois fomos ao centro comercial Marineda City onde disfrutamos do noso tempo libre.
Grazas Libertas.
Non podemos expresalo doutra maneira, máis que coas grazas, grazas e mil grazas por darnos a coñecer dunha maneira tan orixinal e atrevida a todas a esas persoas e obras que nalgunha época, continente… estiveron censurados polas súas ideas ou temática.
Metéstenos o gusanillo por seguir afondado no tema.
Bravo.
Durante estos dous primeiros días da pasada semana os alumnos da Primaria puideron disfrutar do Taller de Animación a Lectura da Ed. Edebé, onde disfrutaron das anécdotas dos libros, fixeron representacións e simulacións das personaxes dos libros, xogos…
Con estas actividades, non lles quedou dúbida de que ler é unha actividade divertida.
En decembro un grupo de alumnos de 4ESO enviamos cartas a compañeiros do Colexio Simón Bolivar, nos campos de refuxiados saharauís. Aproveitamos a visita á familia que fixo Larusi, un rapaz que estuda en Ribeira, para que as levara. E viñeron de volta grazas a Ramón «Filipino» cando foi en febreiro a correr o Sahara Maratón. Recibimos a resposta, lemos e compartimos as cartas cos compañeiros de clase e agora coñecemos mellor a realidade dun pobo que só quere regresar ao seu país.
Por segunda vez este trimestre, na ESO recibimos a visita de Benxamín, para traballar o Plan Lector. Durante unha sesión intercambiamos ideas, realizamos xogos e falamos de temas de actualidade coma os que nos presentan as lecturas escollidas para este curso.
Así o desfrutamos en 3º de ESO.
Moitas grazas por vir!
3º de ESO deséxavos un feliz día da poesía!
A POESÍA É O GRAN MILAGRE DO MUNDO
Insinareiche sin berros.
O poeta é un mestre sin ira.
Levareite ó meu reino,
onde te agarda
a bandeira da espranza.
Non che amostraréi aquéla
triste, abatida sobre o mastro,
solitaria baixo unha chuvia cincenta.
Estóu arrepentido de pensar
que o máis brosmo e brután dos homes
non poida descalzarse
pra entrar no noso reino.
A poesía é o gran milagre do mundo!
Luís Pimentel.
Sombra do aire na herba
Os días 20 e 21 de febreiro os alumn@s de E. Primaria disfrutaron de diferentes actividades sobre libros traballados no Plan Lector.
O ilustrador Benxamín, do grupo Edebe, a través dos seus debuxos para os máis pequenos, e de actividades grupais para os maiores mostrou diferentes puntos de vista sobre a lectura dos mesmos.
