Autor: Editor

Con motivo do Ano Santo Xubilar da Misericordia, os alumnos dende o 3º ciclo da Primaria ata 4º da ESO, quixemos facer unha «peregrinaxe» para acadar a graza xubilar. Tras recibir o sacramento do perdón e asistir á Eucaristía na Catedral da capital galega. Esta simbólica peregrinaxe foi o broche ao traballo realizado previamente no colexio sobre o Ano Xubilar e a Misericordia.

Asimesmo os alumnos do 1º e 2 ciclo da Primaria tamén fixeron a súa particular peregrinaxe ata a Igrexa parroquial de Oleiros ,onde participaron das explicacións e dos cantos, así como da proxección dun video que nos presentou o sacerdote D. Julio Cárdenas.

Onte foi 17 de maio, día das Letras Galegas.

Antes de marchar,o venres,  os rapaces de 4º de ESO quixeron darlles unha sorpresa aos pequenos de 2 de E.P. achegándose á súa aula con poemas de Manuel María e uns globos de agasallo. Recitamos fragmentos de Os soños na gaiola e cantamos todos xuntos «O cuco».

Todos xuntos, coa poesía e a música para achegarnos un pouquiño máis á obra do poeta da Terra Chá.

Dende a comunidade educativa queremos dar as gracias a todas as familias que dun xeito ou outro colaboraron para que un ano máis o mercadillo solidario fose posible. O recadado este ano foi de 900€ que irán destinados ao proxectio AESOMI( ampliación de la residencia para ancianos solos y enfermos  en Micomeseng), que as FIllas da Caridade teñen en Guinea Ecuatorial. Ademais este mercadillo intenta amosarlle aos nosos alumnos a importancia da Solidariedade cos demais e o que con ela se consegue.

GRAZAS A TODOS POLO VOSO GRAN DE AREA!!!

Logo da visita de Sor Fernanda García ao noso cole para falarnos do Proxecto AESOMI, os alumnos de 3º e 4º de ESO quixemos achegarnos á realidade dos mozos e mozas guineanos que asisten aos  nosos centros, así como aos maiores da Residencia, para coñecernos mellor e valorar as diferenzas que nos unen.

Van as nosas cartas con toda a ilusión do mundo.

O noso agradecemento a Sor Carmen Puga pola súa colaboración.

Moitísimas grazas a todos e todas os que participastes na campaña  en favor do Sáhara e poder facer posible unhas vacacións en paz para os pequenos refuxiados saharauís.

O nosos agradecemento tamén para os que acudistes á chamada de Cáritas coa recollida de roupa para nenos, e por suposto a toda a comunidade educativa e ó noso alumnado por facer posible un ano máis o Mercadillo Solidario.

Despois de estudar na clase o tema da empresa e de ter a visita  dunha empresaria moi emprendedora e perseverante, puxémonos man á obra.

Por grupos eliximos  o nome da empresa que queríamos desenvolver e saíron  grandes propostas, que quen sabe se o día de mañá, poderemos facer realidade.

“PYJ” Móbiles que funcionan, a prezos que ilusionan.

“ SWEET HOME”   A  casa do teus soños, fárase realidade.

“COOL CENTER”  Centro comercial para  xente “ cool “ Anuncio por radio.

“PAPIROVIZ” Zapatillas personalizadas a bo prezo.

“ GATETES E  PERRETES “ Comida biolóxica“

DAIQUIBRA SPORTS “  Calquera deporte ao teu alcance. Mira o seu  vídeo publicitario!

Que mellor forma de aprender como se forma o bolo alimenticio e o camiño que ten que percorrer ata que  sae do noso organimo que cun traballo cooperativo onde todos somos necesarios  igual que as partes que o compoñen.

Aquí tendes un claro exemplo.

Dende o colexio queremos aportar o noso gran de area coas persoas necesitadas que están ao noso redor. Por eso queremos  facernos eco da petición que Cáritas nos fixo para colaborar con eles: precisan roupa e calzado de nenos  de  entre 3- a 12 anos. Dámosvos a grazas de antemán por colaborar e facervos eco de ten urxente necesidade.

A recollida farase o luns  25 e o 26 de abril.

O nosos centro colabora na campaña que acaba de presentar SOGAPS (Solidariedade Galega co pobo Saharauí) para facilitar a chegada dos nenos refuxiados no deserto nas vindeiras vacacións de verán a Galicia.

Entregaremos a cada rapaz un sobre con toda a información, que poderán devolver coa aportación que desexen, aos titores, ata o luns 25 de abril.

Coa nosa achega podemos axudar a que os nenos e nenas saharauís, saian durante dous meses das duras condicións de vida no deserto. Tamén podemos informarnos sobre o programa como familias de acollida, dirixíndonos aos teléfonos que aparecen na información ou ao Departamento de Servizos Sociais do concello.

Moitas grazas pola colaboración.