Autor: Editor

Os alum@s de 6º de primaria participaron nunha clase práctica, a cargo do profesor de E.F. da ESO, onde puxeron a proba as súas habilidades e coñecementos sobre as técnicas básicas de soporte vital para salvar unha vida.

Aprendemos o importante que é recoñecer unha parada e actuar responsablemente intentando reanimar cunha masaxe cardiopulmonar e chamar ao servizo de emerxencias para garantir que recibe o tratamento médico axeitado.
Despois da clase práctica recordamos a nivel teórico todo o aprendido.

Os alumnos e alumnas dende 3º a 6º tiveron a oportunidade de compartir con nenos e nenas doutros colexios a afección pola actividade física, concretamente polos deportes de baloncesto, fútbol, balonmán e floorball. Na primeira das xornadas desprazámonos ata o C. E. I. P. Santa Baia de Boiro e na segunda xornada visitáronnos no noso centro alumnos e alumnas do Colexio Bayón.

Foron unhas xornadas de gran divertimento para todos, onde o resultado foi o de menos, primando o xogo limpo, o compañeirismo e os demais valores que promulga o deporte.

Un 24 de febreiro de 1837 naceu en Santiago a poetisa galega Rosalía de Castro e Abadía. Dende hai uns anos, conmemórase o aniversario do seu nacemento, adicándolle o día a lembrar a súa obra e a súa vida.

Nós, quixemos unirnos a esa celebración recitando poemas, preparando debuxos e murais, traendo os seus libros ó cole ou participando nas redes sociais na campaña #mobilizarosalía, proposta pola AELG (Asociación de escritores en lingua galega) cos versos

«Trocando en sonrisas

queixiñas e choros»

do poema IV de Cantares Gallegos.

Os alumn@s de sexto asistimos ao Auditorio de Riveira para participar nunha homenaxe a Rosalía para conmemorar o seu nacemento.

A través da narración e a música fóronos contando a súa vida introducindo os poemas que ela escribiu.

O amor a natureza, os problemas da muller por aquel entón , as diferenzas de clases, o gusto e orgullo pola nosa lingua…..foron algúns dos temas que trataron.

Ao final rematamos recitando todos xuntos un anaquiño da súa obra «Cantares gallegos» (1863).

Feliz día de Rosalía a todo@s!!!

O tren da Coresma, na súa segunda semana, levounos a unha actividade en favor de MANS UNIDAS: «Camiñamos xuntos por ti».

De 3º de EP a 4º de ESO, fomos  ata o Dólmen de Axeitos, para compartir unha comida solidaria. Os maiores, voluntarios, responsabilizáronse dos máis pequenos e xuntos camiñamos a mediodía nunha ruta que rematou de volta no colexio preto das 15’00 da tarde.

Na mañá de onte xoves, o alumnado de 3º de ESO recibimos unha visita xenial. O animador Tito Spaguetto, pasou connosco unha hora e media falando de Lena e o Lobishome…

en realidade falounos da súa experiencia sobre a vida: que aprendamos a deixar de ter medo, como era antes o trato dos pais e fillos,  a xente juapa juapa, os estereotipos, de abrir a mente ás novas ideas, a non enganarnos, a ser nós mesmos e non vivir nunha mentira… e NUNCA DEIXAR DE SER NENOS!!!

Moitas grazas por vir!

Con motivo da celebración do Día da Paz, en Secundaria participamos nun ciclo de charlas dirixidas aos colexios sobre a temática do conflito saharauí e os refuxiados.

Amparo Cerecedo, delegada comarcal de SOGAPS ( Solidariedade Galega co Pobo Saharauí) e Laroussi Mohamed Lamin ( neno saharauí que estuda na nosa bisbarra), foron os encargados de  transmitirnos a voz dos refuxiados que agardan no deserto o regreso ao seu país.

Cunha presentación audiovisual, puidemos coñecer a historia, xeografía e costumes do Sahara Occidental e a actualidade e as duras condicións de vida nos campos de Tinduf, a través das fotografías e a testemuña da recente visita da nosa mestra Marián.

O alumnado de 3º e 4º de ESO solidarizámonos asinando na campaña #ReferendumNow in #westernsahara que reivindica o referéndum para este país.

O pasado venres todos oa alumnos do colexio reunímonos ás 15’00 para conmemorar este día.

Xuntos cantamos «El mismo sol» e «Tu enemigo».

Os rapaces de 6º E.P. leron un manifesto polo que nos comprometemos a soñar e traballar pola paz dende o noso carisma vicenciano, compromniso que expresamos en voz alta para compartir con todos.

Fran Baña fixo de mestre de cerimonias.

Ao final, Fabián soltou unha pomba, que mundialmente representa a paz.

Foi unha xornada moi entrañable.

O pasado 12  de xaneiro os rapaces da E.S.O. asistimos á obra de teatro en inglés «KEEP CALM» onde puidemos comprobar o nivel que temos de comprensión nese idioma.

Logo os cursos de 1º e 2º visitaron na Rúa do Villar a exposición «HÉROES ANIMADOS»

A exposición acercounos a unha grande mostra de todo o proceso de deseño e creación dunha personaxe de animación a través de películas coma:
El príncipe de Egipto, Spirit, el corcel indomable, La ruta hacia El Dorado, Simbad: La leyenda de los siete mares, El Espantatiburones, Madagascar, Kung-Fu Panda, Cómo entrenar a tu dragón, La Novia Cadáver de Tim Burton, ¡Piratas! y Hotel Transilvania.

Tamén participaron nun taller, onde eles foron os creadores dun corto animado.

Nese tempo os de terceiro e cuarto visitamos a Cidade da Cultura, ademais de poder ver in situ a súa inmensidade desfrutamos da exposición que fixeron sobre un grande fotógrafo galego de principio do século pasado «JOSÉ SUÁREZ: UNS OLLOS VIVOS QUE PENSAN». Logo da exposición vimos un taller de revelado de fotos que algúns solo tiveramos visto na televisión así como a creación dunha cámara escura.

1º e 2º de ESO fixemos un demos unha volta  pola natureza, percorrendo a Costa da Morte.

Visitamos Muros, coñecendo a Igrexa , dando unha volta polo centro nun día de mercadillo.

Na nosa viaxe paramos a coñecer o hórreo de Carnota, facendo fotos de recordo.

Chegamos por fin á Fervenza do Ézaro, ( Monte do Pindo) ¡ É un lugar espectacular!

Seguindo o noso percorrido paramos en Cee para comer e repoñer forzas.

Pola tarde, visitamos Fisterra e o seu faro, incluso algúns montamos en burro.

De regreso para casa fixemos un breve descando en Noia.