Os nenos e nenas de Infantil quixemos aprender sobre os pingüins, e descubrimos cousas tan curiosas como que son aves pero non voan, senón que nadan…aprendemos como que viven no Polo Sur, e moitas cousas máis.
Foi divertido coa colaboración dos pais e da profe.
Fixemos un gran mural na clase.
Tamén o noso particular pingüin, un libro. E pasámolo moi ben cos videos, documentais, contos, cancións,…
Ó longo desta semana e ata finalizar o mes de maio, estamos a traballar en diferentes aspectos da nosa cultura. Por isto unha vez máis, no » maio cultural «, os grupos de 3º e 4º da ESO desplazámonos a Ribeira para ver o espectáculo que para os centros de ensino preparou Serafín Marcos: «Falando con Filgueira Valverde» .
PRIMEIRO DÍA:
Despois dunha agotadora viaxe en autobús e de repoñer forzas no hotel fixemos a visita á cidade de Tarragona. Alí disfrutamos das pegadas que deixaron os romanos na antiga Tarraco.
SEGUNDO DÍA:
Cun bo madrugón, puxemos rumbo á cidade de Barcelona. Cunha primeira parada nas Cavas de Freixenet, aprendemos as técnicas para lograr un bo viño espumoso. A bordo do tren, percorremos as infraestruturas novas de produción. Tras un cata de mosto, e un pequeno descanso, dirixímonos ao Aquarium. Nunha rápida visita, mergullámonos nas profundidades dos diferentes océanos, disfrutando especialmente do tanque dos pingüinos. A bo paso, rodeamos o Monumento de Colón e subimos polas Ramblas para facer unha parada técnica no Hard Rock Café. A bordo do autobús, percorremos os principais puntos emblemáticos da cidade, prestando especial interese á Sagrada Familia e a Montjuic.
TERCEIRO DÍA:
Foi a xornada máis esperada estivemos en… Port Aventura. Disfrutamos do Furius Baco, Stampida, Dragon Khan, Shambhala… e eliximos algunha actuación para ver, coma o Aloha Tahití ou o Bubblebon. Hai 20 anos que abreu as súa portas e están de celebración. Pecha cada día cun desfile no que participan todos os bailaríns do parque e as personaxes de debuxos animados cos que podes sacar fotos durante todo o día.
Ao chegar ao hotel démonos un chapuzón na piscina e logo da cea disfrutamos da discoteca do hotel ata a unha da mañá.
CUARTO DÍA:
Neste día percorremos a desembocadura do Ebro nun catamarán. Ollamos as diferentes paisaxes ao longo do río. Puidemos apreciar as dúas illas formadas logo das crecidas: a Illa de Buda e a Illa de San Antonio. Xa a pé, visitámolo miradoiro que nos permitiu ver dunha ollada todo o Delta.
A tarde transcorreu chea de diversas actividades que puxeron a proba o espírito aventureiro dos nosos alumnos: rutas de quad, tirolina, escalada, tiro con arco… foron a guinda final para a nosa viaxe de estudos
Quinto día:
Saímos moi cedo, logo de almorzar cara o «Monasterio de Piedra». Alí puidemos disfrutar do mosteiro coma do parque natural que o rodea, que nos deixou abraiados coa súa beleza.
Chegamos ao cole xa de madrugada, moi cansos pero coa maleta chea de vivencias.
O día 17 de abril unha voluntaria do BBA levou a cabo a segunda xornada sobre a importancia do aforro co alumnado de 6º de Educación Primaria.
Foi un obradoiro moi participativo onde os rapaces deron conta dos seus aforros e como se poderían administrar para tratar de mellorar a súa xestión.
A escritora, actriz e contacontos Paula Carballeira, achegouse ó cole o pasado luns. Falounos do seu libro «Casas» e contounos que se lle ocorreu cando andou viaxando polo mundo adiante e vendo todo tipo de vivendas.
Rematou cun relato de humor e misterio arrepiante, pero que nos divertiu moitísimo.
Foi xenial!
O venres 10 de abril os nos@s alumn@s do 1º e 2º ciclo da Primaria visitaron a cidade de Vigo para asistir a unha representación teatral en inglés : «Robin Hood».
Os actores e os xóvenes espectadores interactuaron durante todo o espectáculo, ben formando parte do elenco de actores ou ben coreando as cancións da peza teatral.
Tanto disfrutaron da obra que tiveron un comportamento excepcional, polo que os mestr@s que asistimos con eles estamos agradecidos por este saber estar dos nosos alumn@s. Grazas, rapaces.
Na mañá de onte, puidemos asistir á charla impartida por axentes da comisaría da Policía Nacional de Ribeira. O tema era moi importante, xa que as novas tecnoloxías ademais de seren unha boa ferramenta para coñecer e aprender, tamén hai que saber usalas. Ademais de explicarnos os perigos que podemos atopar pola rede, resolvéronnos todas as nosas dúbidas. Moitas grazas por vir!
Esta semana comezamos cunha actividade moi interesante. O escritor Alfredo Gómez Cerdá achegouse ata o cole para falar cos rapaces de 3º ciclo de Primaria sobre os libros que xa leran con anterioridade: «El jefe de la banda» y «El volcán del desierto».
Puidemos conversar con el e ademais facerlle moitas preguntas sobre os personaxes, os libros e a inspiración.
Foi unha experiencia moi gratificante e pasámolo xenial!
Os alumnos de 5º e 6º de Educación Infantil fomos de excursión cultural e de ocio á Casa do Queixo. Que nervios antes de subir no autobús!
Cando chegamos, recibíronnos os monitores que eran moi amables e simpáticos e dispuxémonos a pasar un día cheo de sorpresas para nós. Fixemos unha morea de actividades e aprendemos moitas cousas!
No taller de queixo puxémonos mans á obra e aquí vedes que ben se nos daba preparalo. Todos quixemos axudar, así que agora xa sabemos facer queixo artesanal … estaba riquísimo!
Tamén participamos nunha aula de reciclaxe, explicáronnos moitas cousas novas, despois de moito traballar quedounos así de ben. Foi moi divertido!
Unha parte especial da nosa saída foi a visita ós animais da granxa-zoo. Que grandes eran! Estivemos moi atentos porque o día estaba sendo emocionante.
E para rematar, tamén fixemos a Ruta do Muíño Encantado. Que fermoso camiñar polo campo, escoitar os paxaros e coñecer un lugar diferente!
Chegou a hora de voltar, xa que as nosas familias agardaban por nós. Subimos ó autobús e volvemos supercontentos para a casa. Pasámolo moi ben!
O 4 de marzo os alumnos de 4º de Primaria realizamos unha saída á Exposición do Santa Isabel en Ribeira. A experiencia foi moi gratificante e fomos tomando nota de todo o que Pilar, a comisaria da mostra, nos ía contando.
O certo é que nos atopabamos moi nerviosos e inquedos, e non parabamos de facer preguntas. Máis que unha visita guiada, semellaba unha entrevista en toda regra. Aproveitabamos calquera recuncho e oportunidade para resolver as nosas dúbidas, e competiamos entre nós para ver quen resultaba ser o mellor periodista.
As ferramentas e a maqueta empregadas na construción do buque parecéronnos realmente grandes, e moi complicadas de empregar. Sen embargo, as diferentes maquetas, onde descubrimos o pouco número de botes salvavidas que levaba o barco, semellaron realmente pequenos.
Tiñamos moito interese en poder ver un camarote de primeira clase, pero o que máis nos impactou foi o relato do fillo dunha das heroínas e as traxedias sufridas por algunhas familias en particular, que viron como os seus soños dunha nova vida ficaban varados nas costas de Sálvora.
Cheos de ideas e bos propósitos, voltamos ao colexio pensando en como darlle forma ó noso proxecto.
Como esperamos sexa do agrado de moitos, iremos dando conta das nosas pescudas.
