Autor: Editor

Durante o mes de maio fixéronse no Colexio distintas actividades para traballar tanto o  Día do Libro como as Letras Galegas. En Infantil, unha desas actividades foi convidar os pais/nais dos nenos/as a contarnos un conto, elixidos por eles mesmos, polo que conseguiron manter a atención dos rapaces/as e, ademais, aprender.

Para rematar  o mes de Maio: “Mes de María” fixemos una procesión para visitar a Virxe de Aranzazu, na horta, onde se lle ofreceron frores, poesías e cantos.

O longo do curso os nenos/as de 6º de Infantil elaboramos na aula proxectos con temas elexidos polos rapaces/as como o dos  “cabalos” e as “bolboretas”. Partindo do que xa sabían e o que lles gustaría saber, sorprendéronse de todo o que chegaron a aprender destes animais.

EXCURSION 5º-6º INFANTIL:

Este curso os nenos/as de 5º e 6º Infantil fomos de excursión ó Grove. Alí visitamos o Acuario e fixemos un recorrido no tren turístico ata a Illa da Toxa. Foi una experiencia moi divertida e cultural.

Tres nenas de 6º Infantil –Noela, Graciela e Iria Paz- sorprenderon a todo o colexio, cando de forma espontánea, no día das Letras Galegas, actuaron en todas as aulas do centro tocando a pandeireta, cantando e bailando cancións tradicionais galegas. Estiveron marabillosas!

Viñeron as nosas familias a contarnos contos! Fíxonos tanta ilusión…

O 17   de maio foi o Día das Letras Galegas, e nós tamén o celebramos!!!

Tamén tivemos a oportunidade de compartir un obradoiro de papiroflexia a cargo de alumnos da ESO!

Fíxonos moita ilusión, facer unha ofrenda floral na capela da horta.

E que ben o pasamos na excursión ao Grove!

O día 11 de abril de 2014, os alumnos de 1º e 2º de ESO realizamos unha viaxe á Coruña, onde visitamos a Domus. O percorrido comezou na aula de Magnavisión, vendo unha película en 3 D sobre a aviación.

seguidamente tivemos a experiencia de manipular e diseccionar un corazón, onde se ven as distintas caras de expectación ( uns de ilusión “futuros médicos” e outros de repulsión).

Seguidamente tivemos tempo para observar e manipular as distintas áreas do museo.

Á hora de xantar, estivemos todos xuntos no comedor da Domus, onde todos os rapaces colaboraron na reciclaxe de plásticos, restos órganicos e vidro, xerados no momento da comida.

Para facer a dixestión e estirar as pernas realizamos un percorrido polo paseo marítimo desde a Domus pasando polas praias de Orzán e  Riazor  ata chegar ao Muncyt. Puidemos ver neste percorrido os desastres provocados polos fortes temporais deste inverno.

No Muncyt  moitos rapaces quedaron asombrados pola variedade de inventos dende máis antigos ata os máis modernos, o que máis chamou a atención foi a cabina do avión, onde puideron entrar e imaxinar seren pasaxeiros de verdade.

Onte foi unha tarde moi emocionante! Agardabamos unha visita especial todos os rapaces e rapazas de 3º e 4º de ESO. Tivemos a gran sorte de poder escoitar a unha das persoas máis activas e relevantes no mundo da lingüística actual: o escritor e profesor Carlos Callón.

De maneira amena e divertida, contounos anécdotas dos seus libros e explicounos as razóns polas que dende hai moito tempo leva traballando a prol dos dereitos lingüísticos dos galego-falantes. Tamén puidemos charlar con el e transmitirlle as nosas inquedanzas e dúbidas sobre o seu traballo, ou a situación e o futuro do galego.

Aínda tivo tempo de asinarnos os exemplares do seu último libro: Como falar e escribir en galego con corrección e fluidez.

3º de ESO encargouse de prepararlle unha calorosa benvida, e Óscar Boo e Alberte Fernández de 4º de ESO elaboraron un video que podedes ver na canle de Youtube: Benvida a Carlos Callón.

Moitísimas grazas por vir e compartir connosco unha tarde tan interesante!

Na mañá de onte, o grupo de 4º de ESO fomos de visita cultural a Rianxo. Había tempo que estabamos a agardar por ela, e despois de coñecer a importancia e o valor desta vila mariñeira que temos tan preto,( onde naceron algúns dos máis importantes escritores e intelectuais galegos do s.XX ),  non nos defraudou.

Visitamos o Museo do Mar, e alí Kike explicounos como se constrúen as dornas, a evolución no cultivo de mexillón nas bateas ou sistemas de pesca tradicionais.

Despois achegámonos á Casa Museo Manuel Antonio. Foi moi emocionante ver o lugar no que naceu, e como se conservan as súas pertenzas, os manuscritos, fotografías e poemas que estudamos na clase durante o curso. Rebeca contounos moitas anécdotas interesantes da vida do poeta.

Rematamos a visita paseando polas rúas da vila onde viviron Castelao e Rafael Dieste, visitamos a capela da Guadalupe e o Paseo da Ribeira. Antes de voltar, pasamos polo Auditorio, para rematar unha mañá completa cultural e de lecer.

O noso agradecemento ao Concello de Rianxo polo convite, e a Kike e Rebeca pola acollida.

O 23 de abril celebrouse  o DÍA DO LIBRO.

4º da ESO foi convidado polo concello no Auditorio Municipal á representación da compañía UT-Tópico Teatro coa súa obra «Antiheroica».

Esta obra é unha peza de creación contemporánea onde se mesturan os xéneros dramáticos: a morte, a  herdanza, a  soidade e  o  tempo son algunhas das claves universais e eternas sobre as que se constrúe esta historia.

Ao remate da función, puidemos compartir con actores e directora unha charla para coñecer mellor o seu traballo.

O luns 24 de marzo, todos os alumnos de Secundaria do noso colexio, decidiron saír da rutina e visitar lugares de interese da nos aterra descoñecidos para eles ata o momento.

A pesar do gran madrugón e do día tan chuvioso que tiveron, non faltaron risas, compras e sorpresas.

O primeiro que fixeron foi acudir a ver a representación da obra “Dr. Jekyll e Mr. Hyde”, unha obra chea de misterio, fantasía, medo…, que en ocasións fixo tremer ós asistentes.

Logo, no descanso, desprazámonos ata o centro comercial “As Cancelas” onde puidemos disfrutar dun tempo de lecer e repoñer novas forzas para as actividades da tarde.

Para rematar o día, tomamos rumbo ó Pazo de Oca, onde todos quedaron asombrados con semellantes xardíns e tentaron resolver algunha proba dentro do Laberinto.

Aínda que o tempo non acompañou dende a primeira hora da mañá, todos ou a maioría quedaron satisfeitos co que viran os seus ollos. Ó fin e ó cabo, saír do colexio a coñecer novos lugares non ven nada mal.

Ao igual que en anos anteriores, o Coro do Colexio participou no XXIII Festival da Canción Misioneira, que tivo lugar o sábado 22 de Marzo no Colexio Sagrado Corazón de Castiñeiras.

Xunto con outros coros da provincia, os nosos alumnos presentaron a súa actuación “Color esperanza” de Diego Torres, que acadou grandes vítores entre os asistentes.

O Concello de Ribeira a través do seu departamento de Servizos Sociais, ofreceunos a posibilidade de participar nunha actividade moi interesante. Así, o grupo de 3º de ESO, puido coñecer aspectos como a realidade social do noso contorno máis próximo,  recibir información sobre o papel e as función dos servizos sociais, ou mesmo nos explicaron como previr actitudes ou comportamentos segregacionistas.

A través de xogos coma os globos da diversidade ou as lousas, o pedagogo Santi Páramo axudounos a entender mellor como debe ser unha sociedade xusta construída entre todos.

Rematamos a mañá cun sorriso así de grande, pintado por nós.

Grazas  Santi por vir!!!

Como vimos facendo dende hai varios anos, o día 11 de marzo, fomos de marcha ata o dólmen  para celebrar o “Día do bocadillo”.

Esta actividade forma parte da “Campaña contra a fame”  que promove Mans Unidas.

Nela, participaron os cursos de 3º de EP ata 4º da ESO.

Camiñamos ata o Dolmen de Axeitos, os rapaces maiores axudábanlle ás titoras dos cursos de primaria cos nenos máis pequenos, xa que algúns era a primeira vez que ían.

Alí comemos o bocadillo e pasamos un tempo de lecer.