Autor: Editor

Nin unha menos

As rapazas de 2º da ESO, en colaboración con algunhas de 1º da ESO, decoraron as escadas do colexio con información ilustrada sobre a violencia de xénero e os tipos que esta engloba.

O alumnado do centro puido informarse, con gran interese, sobre esta problemática que segue moi presente na nosa sociedade.

Para que deixen de ser noticia

Asemade, os alumnos de 6º de Primaria levaron a cabo unha busca de noticias, onde aparecesen casos de violencia de xénero, para logo expoñelas e ilustralas no patio do colexio, facéndoas visibles e libres ante as miradas dos discentes. Acompañaron esta actividade deseñando unha camiseta negra con nomes de mulleres.

Para finalizar, fixeron bolboretas lilas, coa técnica de papiroflexia, que tamén sumaron á camiseta para simbolizar e reinvindicar a liberdade.

Dende o pasado luns 4 de novembro, os alumnos de Educación Infantil colaboran no proxecto solidario: Ningunha familia sen comida, no cal se recollen alimentos non perecedeiros (bricks de leite, aceite, alimentos infantís, paquetes de pasta, arroz ou legumes, botes de conservas vexetais…) Esta iniciativa, que comezou neste mes de novembro, estenderáse ata o mes de maio coa participación de todas as etapas do centro.
Esta participación solidaria  pon de manifiesto o noso  compromiso coa  xenerosidade e o   encontro cos demais. Todos os alimentos recadados serán levados ao Banco de Alimentos de Cáritas en Ribeira,  que reparte os alimentos entre as personas máis desfavorecidas do concello e a súa zona de influencia.

O luns 18 deste mes, acompañados dunha tarde soleada de outono, puidemos desfrutar dun gran magosto no noso centro.

Dende Educación Infantil ata a etapa da ESO, démonos cita no patio do colexio para gozar cunha variedade de xogos tradicionais organizados polos alumnos de 4º da ESO, onde a protagonista foi “Dona Castaña”.

Logo pasamos á degustación deste rico manxar na horta do colexio baixo a sombra das árbores.

Os máis pequenos estiveron acompañados polos alumnos da ESO ,que se converteron en titores por un día, resultando moi gratificante para ambas partes. Ao mesmo tempo foron os encargados de amosar fermosas manualidades que realizaron coa colaboración de pais e profesores.

O pasado día 15 de novembro o noso alumnado tivo a primeira xornada de deporte escolar no polideportivo municipal de A Fieiteira, onde desfrutaron de diferentes deportes xunto cos compañeiros e compañeiras do colexio Bayón.

Un día máis, todos o pasaron en grande compartindo unha xornada de actividade física, que serviu tamén para coñecer a nenos e nenas doutro colexio, así como promover valores do deporte como respecto, igualdade e compañeirismo.

Os alumn@s de 2º de EP visitan o laboratorio do colexio, para ver de preto como está formado o noso esqueleto.

Saímos ao patio para estudar os sentidos , e percibir a través dos mesmos  diferentes sensacións.

Os rapaces de 3º e 4º de primaria xa comenzaron a construir o seu robot para logo programalo. Foi unha sesión de moito traballo.

O 25 de outubro de 1916 o poeta e dramaturgo Federico García Lorca chegou por vez primeira a Galicia. Volvería noutras tres ocasións a Pontevedra, Compostela, A Coruña, Lugo… Grande embaixador  da cultura galega e autor de «Seis poemas galegos», está sendo homenaxeado no Museo do Gravado de Artes, xunto co seu compañeiro de xeración, Rafael Alberti.

Ata Artes  desprazámonos o alumnado de 3º e 4º de ESO e cuns guías de excepción, puidemos visitar a exposición «Xeración do 27: Lorca e Alberti», na que vimos, por exemplo, 12 augafortes orixinais de Alberti para ilustrar os poemas de Amor e Mar ou as litografías que creou para o Romancero Gitano de Lorca. A exposición tamén inclúe a edición da obra do granadino, Poeta en Nueva York, ilustrada por Eduardo Naranjo.

A experiencia no taller de gravado non nos deixou indiferentes, e ata puidemos serigrafiar nós mesmos algunhas pezas. Fíxonos moita ilusión!

Para rematar, visitamos a espléndida biblioteca ilustrada que conserva fondos do s. XVI ao XX.

Hoxe púxose en marcha una nova tempada para a nosa ludoteca .
Os alumnos e alumnas de 6º de Primaria serán os encargados de controlar as diferentes seccións para un bo funcionamento.