No seguinte enlace podedrá aceder á listaxe de libros de texto para o vindeiro curso:
Autor: Editor
Broche de ouro para finalizar o curso
Este ano rematamos o curso celebrando a entrega do 2° Premio de Poesía do Concurso do Centro Recreativo de Artes a unha alumna de 1° da ESO: Carmen Yuan .
Con este, xa van 6 premios externos ao centro que recaen nos nosos rapaces e rapazas.
Recordemos a:
-Iria Paz (5° Primaria), 1° Premio Concurso Infantil de Pintura cun debuxo que ilustrou os carteis do Nadal polo concello de Ribeira.
-Rocío Valiño (5° Primaria), 1° Premio III Concurso Literario de Ed. Primaria dos CVE de España Norte sobre o valor da Esperanza cun poema.
-Grupo de Audiovisuais 4º ESO: 1° Premio III Certame de Curtas Alberto Romero, coa obra » Tormenta mental» dirixida e producida por Hugo Fontaíña e protagonizada por Xián Vila.
-Carmen Yuan, 1° Premio XIII Concurso de Poesía Francisco Añón.
-Lidia Brión (6° Primaria), 1° Premio do Concurso do concello de Ribeira para celebrar o Día das Letras Galegas cunha banda deseñada.
-Carmen Yuan, 2° Premio V Concurso de Poesía Centro Recreativo de Artes.
Por iso, queremos rematar o curso felicitándoos e desexándovos a todos un moi bo feliz verán!!
CÁMARAS, ACCIÓN…!!!
O noso patio de butacas presenta aforo completo para asistir en primeira persoa á estrea da nosa función. Por primeira vez en cines, a produtora “Milagrosa Bros” presenta a súa primeira longametraxe titulada “O mundo do cine”.
Camerinos cheos de nervios e emocións a flor de pel… Actores noveles, amateurs e veteranos dan os últimos ensaios e encamíñanse ao escenario. Entre rexidores faise o silencio e comeza a retransmisión.
Dende os máis pequenos de Infantil, aos máis maiores de Primaria, van actuando por quendas para presentarnos as melodías e os sons de Disney e das películas máis taquilleiras do cine.
Enchen as nosas lembranzas de emotivos e divertidos fotometraxes que nos levan a un mundo de fantasía, e que nos permiten poñer punto final a un curso máis.
Alba de Gloria
Os alumnos/as de 2° da ESO despediron o curso visitando a exposición Alba de Gloria de Castelao no concello de Rianxo, onde puideron desfrutar da mostra que recrea e contextualiza o último discurso que pronunciou Castelao en Bos Aires; un emotivo texto dirixido aos emigrantes que reflexiona sobre a historia de Galicia e o seu futuro.
Asemade, esta experiencia acompañouse cunhas gafas de realidade virtual, a través das cales podían ver aos personaxes que o escritor rianxeiro cita no seu texto e, tamén, recorrer un labirinto de figuras en tres dimensións.
XXII Mostra de Teatro do Concello
O grupo de teatro do centro, formado por alumnos e alumnas de E.Primaria e dirixido por Sor Francisca Varela, participou na Mostra de Teatro organizada polo concello. Tanto eles coma o público desfrutaron de dúas obras de humor e entretemento, polo que colleitaron unha chea de aplausos, nunha actuación moi especial.
Despois da estrea en Ribeira, os alumnos deleitaron no colexio a compañeiros e profesores coa súa actuación nas obras “ Pluft, el fantasma “ e “ El fotógrafo Sisebuto hace fotos en un minuto”. Recolleron o galardón en representación dos respectivos grupos, Xoel e Lucas de 5º de EP.
Parabéns, artistas!
VISITA Á CORUÑA
Os alumnos de 5º e 6º disfrutan dun día na cidade da Coruña.
O seu paso polo Acuario Finisterrae e a Casa Domus non os deixou indiferentes.
Disfrutaron dun tempo de xogo con diferentes actividades ao aire libre.
Para finalizar o día paseamos pola marina ata chegar ao Museo Arqueolòxico e Històrico( Castelo de San Antòn)onde puidemos contemplar diferentes pezas da prehistoria relacionadas coa cidade da Coruña e Galicia.
Hogwarts – Segunda promoción
Como non podía ser doutra forma, os alumnos de cuarto rematamos o curso ao máis puro estilo Hogwarts.
Ao longo da mañá, realizamos diversas probas de habilidades e destrezas que nos permitiron demostrar os nosos coñecementos sobre o mundo máxico.
Tamén disfrutamos do visionado da Cámara Secreta, a segunda entrega da saga.
Como peche a todo un ano de traballo, fixemos o reconto dos puntos obtidos ao longo do curso e máis na xornada de hoxe. Este ano o premio da Copa das Casas recaeu nos alumn@s de Gryffindor.
Noraboa a todos os participantes por este ano de traballo cheo de maxia!!
Un anaco de nós
Unha vez máis damos peche a outro curso e unha nova promoción abandona as nosas aulas.
Listos para buscar novas metas e novos soños que os conduzan a obxectivos máis grandes, comezades esta andadura con ilusión e coa certeza de que o camiño andado é só o principio de próximos logros.
Hoxe despedímonos, como familia vicenciana, entre bágoas e sorrisos polos momentos que xuntos vivimos; pero coa confianza de que esta será a vosa casa, xa que un anaco de vós permanecerá para sempre nas nosas lembranzas.
XIII Concurso de Poesía Francisco Añón
Este ano o primeiro premio, na categoría D do concurso de poesía dedicado a Francisco Anón, foi outorgado a Carmen Yuan (1° da ESO) co seu poema titulado «Queridos adultos»; un poema que afonda nas inquedanzas dunha nena fronte ás inxustizas e desigualdades no mundo. Un poema para facernos reflexionar, e unha acción para tomar exemplo; posto que o premio (210€ en libros) serán destinados á Unidade de Oncoloxía Infantil do Hospital Universitario de Santiago de Compostela, tal como o solicitou a nosa gañadora.
Parabéns!!!
EXHIBICIÓN DA POLICíA NACIONAL
Os alumnos de EP asistiron á exhibición da Policía Nacional que se celebrou no complexo deportivo da Fieiteira.
Os alumnos puideron ver de primeira man como actúan as forzas do estado nos diferentes contextos nos que se require a súa actuación.
