@s alumn@s da ESO fomos convidados a visitar as instalacións do CIFP COROSO.
Puidemos ver as aulas e o que se pode aprender a facer nos distintos ciclos que imparten, así como coñecer que a oferta de traballo é grande e ampla.
Grazas ao centro de COROSO.
Xa temos no colexio a Cesta Solidaria de Fin de Curso!!! Este ano ten moitos agasallos: xogos, un balón de fútbol, queixo, marmelada, viño, chuches… Se queres participar, achégate a portería. Precisas 1€, elixes un número e anotas o nome d@ alumn@ e o seu curso. O sorteo terá lugar o día do Festival de Fin de curso. Os fondos recadados irán destinados aos proxectos misioneiros das Fillas da Caridade.
Non quedes sen participar!
O pasado venres, último día de maio, tivemos a celebración de peche de maio, como mes adicado a María. Xuntámonos todos os cursos de educación primaria para renderlle unha bonita homenaxe como nai, mestra e amiga nosa.
Neste terceiro trimestre os alumnos de 6º de EP asistiron a unha exposición do pintor onde aprenderon diferentes aspectos da súa vida e obra.
Na clase de plástica traballaron a técnica do «collage» nos grupos de cooperativo.
O xoves 23 de maio os rapaces de 5º e 6º de Infantil fomos de visita ao acuario do Grove.
Alí disfrutamos vendo as distintas especies acuáticas e incluso puidemos tocar algúns coma o ourizo e a estrela de mar, e como curiosidade puidemos ver como un mergullador alimentaba e xogaba cos peixes coma se foran mascotas o que nos gustou moito e emocionou. Os nenos tamén participaron nun obradoiro de pesca que lles resultou moi entretido e educativo.
Como remate da excursión subimos ao tren turístico do Grove que nos levou a visitar a Illa da Toxa e disfrutar da súa bonita paisaxe.
Proxecto cooperativo dos alumnos de 2º de EP para traballar a importancia da luz no crecemento da planta.
Os alumn@s de 6º EP asistiron ao espectáculo «Canta miña pedra canta”, no marco das actividades programadas polo concello , para conmemorar o Día das Letras Galegas.
Os alumnos participaron no concurso literario con obras de poesía, narrativa e banda deseñada.
Lidia Brión foi a gañadora no xénero de banda deseñada.
Parabéns!
O 16 de maio celebramos o día das letras galegas, dedicado esta ano a Antón Fraguas. Foi unha representación «moi nosa», onde a cultura galega se fixo patente tanto na actuación dos alumnos como nos materiais e proxectos elaborados por eles e ensinados ao longo da obra. Queredes ver como vivimos nós ese día?
Pois para poder velo non tedes máis que pinchar na seguinte ligazón:
Hoxe, 22 de maio, o noso alumnado tivo a terceira e derradeira xornada de deporte escolar no polideportivo municipal de Palmeira, onde desfrutaron de diferentes deportes xuntos cos compañeiros e compañeiras do colexio de Palmeira. Un día máis, todos o pasaron en grande compartindo unha xornada de actividade física, que serviu tamén para coñecer a nenos e nenas doutro colexio, así como promover valores do deporte como respecto, igualdade e compañeirismo.
