Noticias

¡Silencio na sala, que comeza a función…!

Esta semana, os alumnos de 3º da E.S.O., convertidos nunha pequena orquestra; deron o seu primeiro concerto para un público moi especial, o alumnado de Educación Infantil.

Os máis maiores, estaban cheos de nervios por mor da estrea, e os segundos; emocionados polo espectáculo que ían vivir. A actuación resultou tan sorprendente para os máis pequenos, que non deixaban de pedir “Outra, outra…”

Pero a sorpresa non rematou aí… A ledicia dos de Infantil foi a máis cando se lles desvelou, que ao remate da mesma, os compañeiros máis veteranos íbanlles a ensinar a tocar. Os rostros dos rapaces de 3, 4 e 5 anos demostraban a sorpresa e a felicidade polo momento que estaban vivindo. Pero sobre todo, a conexión entre maiores e pequenos, foi máxica.

Toda la comunidad educativa acompañamos el dolor de la familia García Cánive pidiendo el consuelo y la fortaleza que en estos momentos necesita.

» Ya no habrá muerte ni llanto, ni lamento ni dolor, porque las primeras cosas han dejado de existir«.

                                                                                                              Apocalipsis 21, 4-5 a

Co comezo do mes de xuño, e tras un longo período sen poder desfrutar deste tipo de actividades, damos por iniciada oficialmente a tempada de excursións.

Este mércores, día 1 de xuño, os alumnos de 5º e 6º realizamos unha visita ao CIELGA (Centro de Interpretación dos Ecosistemas Litorais de Galicia). Coa axuda das monitoras do Complexo Dunar, puidemos coñecer de primeira man os diferentes hábitats e a riqueza ecolóxica que este Parque Natural esconde.

A través da visita ao Museo, o visionado dun vídeo e unha ruta ao longo das pasarelas que se estenden polos diferentes hábitats, coñecemos un pouco máis sobre a fauna e flora predominante.

Aínda que a chuvia ameazaba con facer acto de presenza, puidemos desfrutar dunha mañá de convivencia cos compañeiros que dende había tempo, xa botábamos en falta.

Os alumnos de primeiro de primaria  fixeron as súas hipóteses sobre a flotación  e puideron comprobar os obxectos que flotan na auga e os que non.

 O pasado 17 de maio celebrouse o día das letras galegas, este ano dedicadas ao escritor Florencio Delgado Gurriarán.

O noso alumnado agasallounos con uns fermosos e reflexivos traballos nos que afondaron na figura do autor e na importancia do día.

Boa mostra disto son os “minibooks” elaborados por 1º e 2º de Primaria, as biografías de 4º, os “flipbooks” de 5º, as exposicións creativas en cartolina de 6º ou as magnificas presentacións nas que o alumnado da ESO amosou o dominio no emprego de ferramentas dixitais como recurso expositivo.

Na aula de 5º, continuamos co noso proxecto de Social sobre a NASA.

A través dunha chea de actividades, pescudamos sobre a estructura e características das distintas galaxias, facendo especial fincapé na nosa propia, a Vía Láctea. A partir desta investigación aventurámonos a deseñar, dun xeito plástico, os 3 tipos de galaxias.

Tamén traballamos, a través dunha actividade manual, as distintas fases da Lúa e puidemos identificar a fase correspondente á semana na que nos atopamos.

Ao longo destas semanas, os alumnos de 6º estiveron participando nunha actividade plástica que lles permitiu coñecer dun xeito lúdico a anatomía da célula animal, así como a función que cumpre cada un dos seus orgánulos.

Para asentar os contidos expicados, deseñamos un folleto no que debuxamos cada un dos orgánulos traballados e pescudamos a información correspondente á función que desempeñan.

E como non podía ser doutro xeito, rematamos a xornada poñendo en orde todo o que enlixamos.

Despois de tanto tempo sen saír, a oportunidade de coñecer unha das cidades máis importantes de Europa, foi o destino elixido por 3º e 4º da ESO para este fin de curso.

Xa antes de marchar estábamos revolucionados e emocionados, pois non era para menos: por fin iamos de excursión!

Así que o martes 10 de maio pola noite e ben puntuais, saímos coas nosas profes rumbo á capital. Desembarcamos o mércores xa para empezar a visita no Museo Nacional de Ciencias Naturais. Minerais, fósiles, dinosauros…Que interesante!  Achegámonos ao Parque do Retiro para descansar, comer e coller forzas para vogar. Si! As barcas do Retiro foron o noso seguinte destino, que ben o pasamos! Pola tarde démoslle unha volta á cidade cun guía que nos levou ao Barrio das Letras e despois a dar unha volta en bus para coñecer os lugares máis emblemáticos: a praza de Cibeles, a Porta do Sol, A catedral da Almudena, o mercado de San Miguel…

O xoves visitamos o Mosteiro do Escorial, e ademais da arquitectura e anécdotas varias que nos contaron os guías, puidemos observar a obra de Afonso X o Sabio, o códice máis rico das Cantigas de Santa María está alí nunha exposición ao público. E dalí ao Museo do Prado: Velázquez, Goya, el Greco, Murillo… todo un mundo da arte que coñecer e descubrir. E como non, rematamos o día co musical Grease no novo Teatro Alcalá.

Para broche especial da nosa excursión pasamos o último día no Parque Warner: montañas rusas, cataratas salvaxes, e inventos varios que nos facían xirar e xirar… antes de regresar felices e contentos, de volta a casa.

Da nosa experiencia quedamos coa sensación gratificante de aprender tamén fóra da aula, de adquirir autonomía aínda que só sexan uns días e de cumprir coma un dos nosos compañeiros… “o segundo soño máis importante da miña vida”.

Por fin chegou o día! os nenos e nenas de 5º e 6º de Educación Infantil preparamos as nosas mochilas con ilusión, nervios e entusiasmo para realizar unha saída didáctica á granxa escola FervenzAventura. A granxa escola atópase emprazada nunha fermosa paisaxe natural, onde os verdes campos, as robustas árbores e os animais configuran os elementos clave para ofrecer unha  gran aventura baseada na natureza, no respecto ao medio ambiente e aos seres vivos, na cooperación e na convivencia.  

Alí, os nosos pequenos exploradores tiveron a oportunidade de converterse en panadeiros, facendo o seu propio pan; granxeiros, coidando e dando de comer aos animais; e agricultores, plantando leitugas, ao tempo que desfrutaban da natureza. Unha grata experiencia que, sen lugar a dúbidas, formará parte da nosa colección de recordos . 

Aberta a convocatoria de axudas, fondo e material escolar para o vindeiro curso 2022-23. Poden consultar a información na lapela AXUDAS LIBROS.