CPR PLURILINGÜE LA MILAGROSA-JOSEFA SOBRIDO

O alumnado de 1º e 2º visitamos o Gadis Hiper para coñecer de primeira man os ingredientes dun menú saudable e completamos diversas misións na nosa visita pola cidade: a oficina de Correos , o Mercado e a Biblioteca Municipal.

Un ano máis achegámonos á celebración da nosa ilustre poeta Rosalía de Castro. No seu aniversario, o 23 de febreiro, dispuxémnos a homenaxeala coñecenco os seus versos, a súa vida, os pensamentos e inquedanzas.

En 5º EP lemos os poemas e debuxamos á poeta de Padrón. Temos as nosas obras no corredor de Primaria.

O alumnado da ESO lemos, escribimos e reflexionamos sobre a mensaxe da súa obra. En 1º e 2º de ESO realizamos debuxos e seleccionamos os poemas que máis nos gustan, lémolos na clase e falamos da vida da autora. En 3º e 4º elaboraron caligramas cos seus versos. Quedáronlles xenial!

Seguindo a proposta da AELG confeccionamos con eses versos uns carteis que temos nos corredores de secundaria. “Eu son libre. Nada pode conter a marcha dos meus pensamentos e eles son a lei que rexe o meu destino».

#oamordapatriagalega

#_rdc2024

Este venres un grupo de alumnos do noso centro achegouse ata a guardería dos Barbanziños, no Hospital da Barbanza.

A través de cancións moi coñecidas por eles, como Baby shark ou A panteira rosa, puideron coñecer novos instrumentos: o chelo, o saxo, a frauta traveseira e o teclado.

Os nenos estiveron moi atentos en todo momento, pero tampouco deixaron pasar a oportunidade de bailar as súas cancións favoritas.

Como mostra de agradecemento, entregáronos un diploma feito por eles.

Os alumnos de 1° e 2° de primaria, traballaron a lateralidade e a identificación das catro principais figuras musicais. E como non podía ser doutro xeito, sen deixar a diversión de lado!

Dende principios do mes de febreiro o centro ten instalada unha estación meteorolóxica BRESSER formada por un sensor multifuncional e por unha estación base. Nesta, pódense consultar os seguintes datos: Dirección do vento, velocidade, temperatura, humidade, precipitacións, nivel raios UV e intensidade da luz. Os estudiantes teñen a oportunidade de participar na recopilación e análise de datos e incluso facer as súas propias prediccións. Ánimo!!

Os alumn@s de 4º,5º e 6º participaron na charla sobre o acoso escolar e a utilización  das redes sociais, impartida pola policía nacional encargada destes temas. O obxectivo é a prevención e a concienciación do alumnado sobre o dano que se pode causar e os perigos que se poden correr .

Nesta unidade fabricamos as nosas propias pas de paladós, un deporte de cancha dividida semellante ao tenis pero que empregamos coma implemento unhas pas redondas nas mans suxeitadas por unha goma. Logo da etapa de familiarización comezaremos cos partidos coma práctica real. 

A choiva non deixou que os mimos desfilaran pola parroquia saudando a pais e veciños pero o noso renovado polodeportivo acolleu unha gran festa con desfiles e bailes na que os mimos repartiron moita alegría.

Os alumnos do 3º ciclo de EP e ESO participaron nun taller online interactivo co obxectivo de axudalos  a interiorizar hábitos cotiáns para previr problemas de ciberseguridade cos nosos dispositivos e servizos online.

Un ano máis os alumn@s de sexto de primaria participan no programa de Ecovoz nas seccións de “ecosaúdo”, “o preguntoiro” e a “reciclaxe”.